கூடுதலான பாடி கிராபிக்ஸ் பெற்ற ஸ்பெஷல் ஹோண்டா ஆக்டிவா 5ஜி லிமிடெட் எடிசன் மாடல் விரைவில் விற்பனைக்கு வெளியாக உள்ளது. சாதாரன மாடலை விட சற்று கூடுதலான விலையில் கிடைக்க உள்ளது.
சமீபத்தில் ஹோண்டா சிபி ஷைன் பைக்கில் ஸ்பெஷல் எடிசன் விற்பனைக்கு வருவது உறுதியாகிருந்த நிலையில் , தற்போது இந்தியாவில் அதிகம் விற்பனையாகின்ற ஸ்கூட்டர் மாடலான ஆக்டிவா 5ஜி-யிலும் லிமிடெட் எடிஷன் வெளியாக உள்ளது.
ஹோண்டா ஆக்டிவா 5ஜி
மெக்கானிக்கல் மற்றும் என்ஜின் போன்றவற்றில் எந்த மாற்றங்களும் இல்லை. 8 ஹெச்பி குதிரைத்திறன் மற்றும் 9 என்எம் முறுக்கு விசை வெளிப்படுத்துகின்ற 109.1சிசி என்ஜினை இந்த ஸ்கூட்டர் கொண்டுள்ளது.
சில்வர் உடன் கருப்பு நிறம் , வெள்ளை உடன் கோல்டு ஆகிய இரு டூயல் டோன் நிறங்களை பெற்று STD மற்றும் DLX என இரு வேரியன்டிலும் வரவுள்ள இந்த எடிஷனில் குறிப்பாக கருப்பு நிற வீல், லிமிடெட் எடிசன் என்ற பெயருடன் கூடிய பாடி கிராபிக்ஸ் முன்புற மட்கார்டு, அப்ரான் உட்பட பாடி முழுமைக்கும் இடம்பெற்றுள்ளது.
விற்பனையில் உள்ள மாடலை விட ரூ.400 வரை விலை அதிகரிக்கபட்டு, ஆக்டிவா 5ஜி லிமிடெட் எடிஷன் STD விலை ரூ. 55,032 மற்றும் ஆக்டிவா 5ஜி லிமிடெட் எடிஷன் DLX விலை ரூ. 56,897 என நிர்ணயம் செய்யப்படலாம்.
