மே 17 ஆம் தேதி முன்பதிவு துவங்க உள்ள நிலையில் முதல் 29,999 வாடிக்கையளர்களுக்கு மேட்டர் மோட்டார் நிறுவனம் சலுகையை அறிவித்துள்ளது. ஃபிளிப்கார்ட், மேட்டர் இணையதளத்திலும் முன்பதிவு செய்யலாம்.
முதல் 9,999 மேட்டர் ஏரா 5000 மற்றும் 5000 பிளஸ் வாங்கும் வாடிக்கையாளர்களுக்கு ரூ.1,999 கட்டணத்தில் பதிவு செய்து ரூ.5,000 வரை தள்ளுபடி பெறலாம்.
தொடர்ந்து இரண்டாவது பிரிவில் 10,000 முதல் 29,999 வாடிக்கையாளர்கள் பைக்கை ரூ.2,999 கட்டணத்தில் முன்பதிவு செய்து ரூ.2,500 சலுகையை பெறலாம். மற்ற வாடிக்கையாளர்கள் ரூ.3,999 க்கு பைக்கினை முன்பதிவு செய்யலாம்.
மேட்டர் ஏரா 5000 சிறப்புகள்
இரு பைக்குகளில் பொதுவாக 5kWh பேட்டரி பொருத்தப்பட்டு லிக்யூடு கூல்டு மோட்டார் அதிகபட்சமாக 10KW பவர் வெளிப்படுத்தும். மிக முக்கிய அம்சமாக 4-ஸ்பீடு மேனுவல் கியர்பாக்ஸ் கொண்ட முதல் எலக்ட்ரிக் பைக் ஆகும். 0-60 கிமீ வேகத்தை எட்டுவதற்கு 6 விநாடிகளுக்கு குறைவான நேரம் மட்டுமே எடுத்துக் கொள்ளும்.
3+1 ரைடிங் மோடு கொண்டுள்ளது. ஏரா 5000 எலக்ட்ரிக் பைக்கின் ரேஞ்சு நிகழ்நேரத்தில் 125 கிமீ வழங்கும்.
மேட்டர் Aera 5000 – ₹ 1.44 லட்சம்
மேட்டர் Aera 5000+ – ₹ 1.54 லட்சம்
(ex-showroom India)
தமிழ்நாட்டில் முதற்கட்டமாக சென்னை, கோயம்புத்தூர், மற்றும் மதுரை என மூன்று மாவட்டங்களில் கிடைக்க உள்ளது. நாடு முழுவதும் மொத்தமாக 25 நகரங்களில் கிடைக்கின்றது.
