ராயல் என்ஃபீல்டு மோட்டார்சைக்கிள் நிறுவனத்தின் செர்பா 452 என்ஜினை பெற உள்ள கொரில்லா 450 பைக்கின் அறிமுகம் ஸ்பெயின் பார்சிலோனாவில் ஜூலை 17 ஆம் தேதி என குறிப்பிட்டு முதல் டீசரை வெளியிட்டு உறுதி செய்யப்பட்டுள்ளது.
ஏற்கனவே சந்தையில் உள்ள ஹிமாலயன் 450 பைக்கில் இடம்பெற்றிருக்கின்ற என்ஜினை பகிர்ந்து கொள்ளுகின்ற புதிய கொரில்லாவில் பவர் மற்றும் டார்க்கில் எந்த மாற்றங்களும் இருக்க வாய்ப்பில்லை.
452cc ஒற்றை சிலிண்டர் 4 வால்வுகளுடன் கூடிய DOHC லிக்யூடு கூல்டு என்ஜின் வழங்கப்பட்டு அதிகபட்சமாக 8,000rpm-ல் 40 bhp பவர் மற்றும் 5,000rpm-ல் 40 Nm டார்க் வெளிப்படுத்தும் நிலையில் 6 வேக கியர்பாக்ஸ் உடன் சிலிப்பர் மற்றும் அசிஸ்ட் கிளட்ச் மற்றும் ரைட் பை வயர் சிஸ்டத்தை கொண்டிருக்கும்.
மாடர்ன் ரோட்ஸ்டெர் பைக்குகளுக்கு சவால் விடுக்கும் வகையிலான வடிவமைப்பினை பெறுகின்ற கொரில்லா 450ல் புதிய டிசைன் அலாய் வீல் கொடுக்கப்பட்டு டீயூப்லெஸ் டயர் இந்த மாடலுக்கு மிக சிறப்பான ரைடிங் அனுபவத்தை வழங்கும் வகையில் இருக்கை அமைப்பு கொடுக்கப்பட்டிருக்கின்றது.
எல்இடி ஹெட்லைட் மற்றும் மிக நேர்த்தியான கிளஸ்ட்டர் ஆனது அனேகமாக 4 அங்குல TFT சிங்கிள் பாட் கிளஸ்ட்டருடன் முன்புறத்தில் டெலஸ்கோப்பிக் ஃபோர்க் மற்றும் பின்புறத்தில் மோனோஷாக் சஸ்பென்ஷன் ஆனது ஏற்படுத்தப்பட்டுள்ளது.
400சிசி-450சிசி வரை உள்ள டிரையம்ப் ஸ்பீடு 400, ஹார்லி-டேவிட்சன் X440, ஹீரோ மேவ்ரிக் 440 உள்ளிட்ட மாடல்களை எதிர்கொள்ளலாம்.
