நடுத்தர மோட்டார் சைக்கிள் சந்தையின் முதன்மையான ராயல் என்ஃபீல்டு நிறுவனம் 2024 ஆம் ஆண்டு பல்வேறு புதிய மாடல்களை விற்பனைக்கு கொண்டு வர திட்டமிட்டுள்ளது. கூடுதலாக உற்பத்தி நிலை எலக்டரிக் பைக் பற்றி முக்கிய தகவல் வெளியாகலாம்.
350சிசி வரிசையில் பாபர் ஸ்டைல் பெற்ற கோன் கிளாசிக் 350, 450சிசி வரிசையில் ஸ்க்ராம் 450, கொரில்லா 450 (not Road Legel), ஃபேரிங் ஸ்டைல் கான்டினென்டினல் GT-R 450, அடுத்து, 650சிசி வரிசையில் ஷாட்கன் 650, புல்லட் 650, ஸ்கிராம் 650, ஹிமாலயன் 650, மற்றும் ஃபேரிங் கான்டினென்டினல் GT-R 650 ஆகியவற்றுடன் முதல் எலக்ட்ரிக் பைக் 2025 துவக்க மாதங்களில் வெளியாகலாம்.
கூடுதலாக 440சிசி ஏர் கூல்டு என்ஜின் உருவாக்கப்பட்டு வருவதாகவும் அந்த வரிசையில் ஸ்கிராம் 440 வெளியாகலாம்.
Royal Enfield Shotgun 650
வரும் ஜனவரி மாதம் விற்பனைக்கு வெளியிடப்பட உள்ள பாபர் ஸ்டைல் பெற்ற ராயல் என்ஃபீல்டு ஷாட்கன் 650 பைக்கில் 648cc பேரல் ட்வின் என்ஜின் அதிகபட்சமாக 47 Hp பவரை 7100 RPM-ல் வழங்குவதுடன், 4000 RPMல் அதிகப்படியான 52 Nm டார்க்கினை வழங்குகின்றது. இதில் 6 வேக கியர்பாக்ஸ் உடன் சிலிப் அசிஸ்ட் கிளட்ச் இணைக்கப்பட்டுள்ளது.
சூப்பர் மீட்டியோர் 650 மாடலின் அடிப்படையில் தயாரிக்கப்பட்டுள்ள ஷாட்கன் 650 மோட்டோவெர்ஸ் எடிசன் 25 எண்ணிக்கையில் ரூ.4.25 லட்சம் ஆக அறிவிக்கப்பட்டது. எனவே, புதிய ஷாட்கன் 650 பைக்கின் விலை ரூ.3.70 லட்சத்தில் எதிர்பார்க்கப்படுகின்றது.
Royal Enfield Goan Classic 350
ஷாட்கன் போலவே பாபர் ஸ்டைலை பெற உள்ள ராயல் என்ஃபீல்டு Goan கிளாசிக் 350 பைக் விற்பனையில் உள்ள கிளாசிக் 350 என்ஜின் உட்பட பல்வேறு அம்சங்களை பகிர்ந்து கொள்ள வாய்ப்புள்ளது.
349cc, ஒற்றை சிலிண்டர், ஏர்-ஆயில் கூல்டு என்ஜின் அதிகபட்சமாக 6,100rpm-ல் 20.2 Bhp பவரையும் , 4000rpm-ல் 27 Nm டார்க் வெளிப்படுத்துகின்றது. இந்த என்ஜினில் 5 வேக கியர்பாக்ஸ் வழங்கப்பட்டுள்ளது.
2024 ஆம் ஆண்டு மாரச் மாதம் விற்பனைக்கு வெளியாக உள்ள பாபர் ஸ்டைல் கோன் கிளாசிக் 350 விலை ரூ. 2.30 லட்சத்தில் வெளியாகலாம்.
Royal Enfield Classic 650
பிரபலமான கிளாசிக் வரிசை பைக்கின் அடிப்படையில் வரவுள்ள ராயல் என்ஃபீல்டு கிளாசிக் 650 பைக் மாடல் பேரலல் ட்வீன் சிலிண்டர் என்ஜின் பொருத்தப்பட்டிருக்கும். 648cc பேரல் ட்வின் எஞ்சின் அதிகபட்சமாக 47 Hp பவரை 7100 RPM-ல் வழங்குவதுடன், 4000 RPMல் அதிகப்படியான 52 Nm டார்க்கினை வழங்குகின்றது. இதில் 6 வேக கியர்பாக்ஸ் உடன் சிலிப் அசிஸ்ட் கிளட்ச் இணைக்கப்பட்டுள்ளது.
2024 பண்டிகை காலத்துக்கு முன்னிட்டு ராயல் என்ஃபீல்டு கிளாசிக் 650 விலை ரூ.3.50 லட்சத்தில் வெளிவரலாம்.
Royal Enfield Guerilla 450
ஹிமாலயன் 450 பைக்கின் அடிப்படையில் வரவுள்ள ராயல் என்ஃபீல்டு கொரில்லா 450 அட்வென்ச்சர் ரக மாடல் பொது சாலைகளுக்கு ஏற்றதாக அல்லாமல் மூடப்பட்ட பகுதிகளில் மட்டுமே பயன்படுத்த முடியும்.
செர்பா 452cc என்ஜின் ரேலிக்கு ஏற்ற வகையில் சில மாறுதல்கள் பெற்று ஒற்றை சிலிண்டர் 4 வால்வுகளுடன் கூடிய DOHC லிக்யூடு கூல்டு என்ஜின் ஆனது அதிகபட்சமாக 8,000rpm-ல் 40 bhp பவர் மற்றும் 5,000rpm-ல் 40 Nm டார்க் வெளிப்படுத்துகின்றது. இந்த மாடலில் 6 வேக கியர்பாக்ஸ் உடன் சிலிப்பர் மற்றும் அசிஸ்ட் கிளட்ச் இடம்பெறலாம்.
2024 ஆம் ஆண்டு மத்தியில் விற்பனைக்கு வரவுள்ள ராயல் என்ஃபீல்டு கொரில்லா 450 விலை ரூ. 3 லட்சத்தில் எதிர்பார்க்கப்படுகின்றது.
Royal Enfield Electric Bike
EICMA 2024 அரங்கில் எதிர்பார்க்கப்படுகின்ற ராயல் என்ஃபீல்டு முதல் எலக்ட்ரிக் பைக் மாடல் ஆனது சமீபத்தில் காட்சிப்படுத்தப்பட்ட சோதனை ஓட்டத்திற்கான டெஸ்ட் பெட் HIM-E அடிப்படையில் புதிய எலக்ட்ரிக் பைக் அனேகமான அட்வென்ச்சர் பிரிவில் வெளியாக வாய்ப்புள்ளது. 2025 ஆம் ஆண்டின் துவக்க மாதங்களில் விற்பனைக்கு வெளியாகலாம்.
Royal Enfield Scram 440
சமீபத்தில் வெளியான டிரையம்ப் ஸ்கிராம்பளர் 400 X பைக்கிற்கு சவால் விடுக்கும் வகையில் ஸ்கிராம் 440 என குறைந்த விலை கொண்டதாக விற்பனைக்கு எதிர்பார்க்கப்படுகின்றது. 2024 ஆம் ஆண்டின் இரண்டாம் காலாண்டில் விற்பனைக்கு எதிர்பார்க்கப்படுகின்ற மாடல் விலை ரூ.2.50 லட்சத்துக்குள் எதிர்பார்க்கலாம்.
Royal Enfield Hunter 450
450cc என்ஜினை பெற உள்ள இரண்டாவது மாடலாக ராயல் என்ஃபீல்டு ஹண்டர் 450 ஆனது ஏற்கனவே சந்தையில் உள்ள ஹண்டர் 350 அடிப்படையில் தயாரிக்கப்படலாம். 452சிசி என்ஜின் 8,000rpm-ல் 40 bhp பவர் மற்றும் 5,000rpm-ல் 40 Nm டார்க் வெளிப்படுத்துகின்றது. இந்த மாடலில் 6 வேக கியர்பாக்ஸ் உடன் சிலிப்பர் மற்றும் அசிஸ்ட் கிளட்ச் இடம்பெற உள்ளது.
2024 ஆம் ஆண்டின் மத்தியில் விற்பனைக்கு எதிர்பார்க்கப்படுகின்ற ஹண்டர் 450 மாடல் விலை ரூ.2.40 லட்சத்துக்குள் எதிர்பார்க்கலாம்.
மற்ற மாடல்களான புல்லட் 650, ஸ்கிராம் 650, ஹிமாலயன் 650, மற்றும் ஃபேரிங் கான்டினென்டினல் GT-R 650 உட்பட கான்டினென்டினல் GT-R 450 ஆகியவை 2025 ஆம் ஆண்டுக்குள் எதிர்பார்க்கலாம்.
