fronx

மாருதி சுசூகியின் நெக்ஸா ஷோரூம் மூலம் விற்பனை செய்யப்படுகின்ற ஃபிரான்க்ஸ் (Maruti Fronx) கிராஸ்ஓவரின் 2023 மாடலுக்கு அதிகபட்சமாக ரூ.75,000 வரை தள்ளுபடி கிடைகின்றது.

தள்ளுபடியை தவிர கூடுதலாக பல்வேறு ஆக்ஸசெரீஸ் இணைக்கப்பட மாருதி ஃபிரான்க்ஸ் டர்போ Velocity எடிசனும் விற்பனைக்கு கிடைக்கின்றது. இந்த கூடுதல் ஆக்செரீஸ் விலை ரூ.43,000 மதிப்பில் ஸ்டைலிங் மாற்றங்களை மட்டுமே வழங்குகின்றது.

Maruti Fronx

விற்பனைக்கு வந்த குறைந்த காலகட்டத்தில் 1,00,000 விற்பனை இலக்கை கடந்த மாருதி ஃபிரான்க்ஸ் காரில் உள்ள டர்போ மாடல்  1.0-லிட்டர் டர்போ பெட்ரோல் என்ஜின் (மைல்டு ஹைபிரிட்) 100 PS பவர் மற்றும் 148 Nm டார்க் வெளிப்படுத்தும். இதில் ஐந்து வேக மேனுவல் மற்றும் ஆறு வேக ஆட்டோமேட்டிக் கியர்பாக்ஸ் இடம்பெறும்.

மாருதி Fronx டர்போ-பெட்ரோல் வகைகளுக்கான சிறப்பு விளாசிட்டி பதிப்பு டெல்டா+, ஜீட்டா மற்றும் ஆல்பா வேரியண்டுகளில் மட்டுமே கிடைக்கின்றது.

MY2023 டர்போ மாடலுக்கு ரொக்க தள்ளுபடி மட்டும் ரூ.60,000 , எக்ஸ்சேஞ்ச் போனஸ் 15,000 மற்றும் ஸ்கிராப் சலுகை ரூ.10,000 என மொத்தமாக ரூ.85,000 வரை வழங்கப்படுகின்றது. இதுதவிர சாதாரன என்ஜின் மற்றும் சிஎன்ஜி பெற்ற மாடலுக்கு ரூ.15,000 வரை தள்ளுபடி உள்ளது.

2024 டர்போ மாடலுக்கு ரொக்க தள்ளுபடி மட்டும் ரூ.30,000 , எக்ஸ்சேஞ்ச் போனஸ் 10,000 மற்றும் ஸ்கிராப் சலுகை ரூ.15,000 என மொத்தமாக ரூ.55,000 வரை வழங்கப்படுகின்றது. இதுதவிர சாதாரன என்ஜின் மற்றும் சிஎன்ஜி பெற்ற மாடலுக்கு ரூ.15,000 வரை தள்ளுபடி உள்ளது.