யமஹா எம்டி-15

ரூபாய் 1.36 லட்சத்தில் நேக்டூ ரக ஸ்போர்ட்டிவ் MT-15 (Yamaha MT-15) பைக்கினை இந்திய யமஹா மோட்டார் நிறுவனம் விற்பனைக்கு வெளியிட்டுள்ளது. யமஹா YZF-R15 V3.0 பைக்கின் ஃபேரிங் செய்யப்படாத மாடலாக எம்டி-15 பைக் வந்துள்ளது.

யமஹா FZ/FZS பைக்குகளுக்கு மேலாக நிலை நிறுத்தப்பட்டுள்ள ஆர்15 வெர்ஷன் 3.0 அடிப்படையிலான என்ஜினை கொண்டுள்ளது. சக்திவாய்ந்த 19.1 ஹெச்பி பவர், மற்றும் 14.7 என்எம் டார்க்கினை வெளிப்படுத்தும் 155சிசி எஞ்சின் இடம்பெற்ற 6 வேக கியர்பாக்சுடன் சிலிப்பர் கிளட்ச் வசதியை பெற்றிருக்கின்றது.

யமஹா எம்டி-15 பைக் ரேட்

MT-15 பைக்கின் அளவுகள் தொடர்பான விபரம், நீளம் 2,020மிமீ ,  800மிமீ அகலம் மற்றும் 1,070மிமீ உயரம் கொண்டுள்ளது. இந்த பைக்கின் இரு சக்கரங்களுக்கு இடையிலான வீல்பேஸ்  1,335 மிமீ ஆகும். பைக்கின் மொத்த வாகனத்தின் எடை 238 கிலோ ஆகும். கெர்ப எடை 138 கிலோ கிராம் ஆகும். இந்த பைக்கில் சிங்கிள் சேனல் ஏபிஎஸ் பிரேக் இணைக்கப்பட்டுள்ளது.

இந்தியாவில் விற்பனையில் உள்ள டிவிஎஸ் அப்பாச்சி ஆர்டிஆர் 200 4வி, பஜாஜ் பல்சர் 200, கேடிஎம் டியூக் 125 போன்ற மாடல்களை எதிர்கொள்கின்ற யமஹா எம்டி-15 பைக் விளங்குகின்றது.