நீண்ட எதிர்பார்ப்புகளுக்கு பிறகு தற்போது இந்தியாவின் குறைந்த விலை க்ரூஸர் ரக பஜாஜ் அவெஞ்சர் 160 ஸ்டீரிட் பைக் டெலிவரியை பஜாஜ் ஆட்டோ நிறுவனம் தொடங்கியுள்ளது. அவெஞ்சர் 160 ஸ்டீரிட் பைக் விலை ரூ.81,037 என நிர்ணயம் செய்யப்பட்டுள்ளது.
முன்பாக விற்பனையிலிருந்த 180 சிசி என்ஜின் பெற்ற மாடலின் அடிப்படையில் வடிவமைக்கப்பட்டுள்ள புதிய 160 ஸ்டீரிட் ரக மாடலில் 15 hp குதிரைத்திறன் வெளிப்படுத்தும் என்ஜின் பொருத்தப்பட்டுள்ளது.
அவெஞ்சர் 160 ஸ்டீரிட்
முந்தைய ஏபிஎஸ் அல்லாத அவென்ஜர் 180 ஸ்டீரிட் ரக மாடலை விட ரூ.7000 விலை குறைவாக அமைந்துள்ள புதிய அவென்ஜர் 160 பைக்கில் என்எஸ் 160 பைக்கில் இடம்பெற்றுள்ள விசைப்பொறி பயன்படுத்தப்பட்டுள்ளது.
பல்சர் என்எஸ் 160 பைக்கில் இடம்பெற்றிருக்கின்ற என்ஜினில் எந்த மாற்றங்களும் செய்யப்படாமல், அவென்ஜர் 160-ல் அதிகபட்சமாக 15 hp குதிரைத்திறன் மற்றும் 14.6 Nm முறுக்குவிசை வெளிப்படுத்துகின்றது. இதில் 5 வேக கியர்பாக்ஸ் பொருத்தப்பட்டுள்ளது.
அவென்ஜர் 180 மாடலின் வசதிகளை தொடர்ந்து பெற்றுள்ள அவென்ஜர் 160-ல் குறிப்பாக சிங்கிள் சேனல் ஏபிஎஸ் பிரேக் நிரந்தர அம்சமாக இணைக்கப்பட்டுள்ளது. பின்புறத்தில் ரியர் வீல் லிஃப்ட் பாதுகாப்பு ( Rear-Lift Protection -RLP) வழங்கப்பட்டுள்ளது. முன்பாக இந்த பைக் வரிசையில் இடம்பெற்றிருந்த அவென்ஜர் 180 பைக் கைவிடப்பட்டுள்ளது. இந்த பைக்கிற்கான போட்டியாளராக விளங்கும் சுசுகி இன்ட்ரூடர் விலை ரூ. 1.05 முதல் ரூ.1.12 லட்சம் வரை அமைந்துள்ளது.
