ஏதெர் எனர்ஜி நிறுவனத்தின் குறைந்த விலை எலக்ட்ரிக் ஸ்கூட்டர் மாடலாக 450S விற்பனைக்கு ₹ 1,29,999 ஆக விலை நிர்ணயம் செய்யப்பட்டுள்ளது. சிங்கிள் சார்ஜில் 115Km/charge வழங்கும் என உறுதிப்படுத்தப்பட்டுள்ளது.
விற்பனையில் உள்ள 450X மாடலின் விலை ரூ.20,000 வரை உயர்த்தப்பட்டு பேஸ் வேரியண்ட் ₹1,46,664 ஆகவும் கூடுதலாக புரோ பேக் பெற்ற வேரியண்ட் ₹ 1.67,718 ஆக உள்ளது.
Ather 450S Electric scooter
தோற்ற அமைப்பில் 450X மாடலை போல அல்லாமல் டிசைன் சற்று மாறுபட்ட 3Kwh பேட்டரி பெற்ற 450S எலக்ட்ரிக் ஸ்கூட்டரின் ரேஞ்சு விற்பனையில் உள்ள 450 எக்ஸ் மாடலை விட 20 % குறைவாகும். புதிய 450S ரேஞ்சு சிங்கிள் சார்ஜில் 115km வழங்கும் என IDC சான்றிதழ் வழங்கியுள்ளது.
பேட்டரி திறன் X வேரியண்டில் 3.7kWh ஆக உள்ளதை 450 எஸ் மாடலில் 3kWh ஆக குறைக்கப்பட்டுள்ளது. ஏதெர் 450S டாப் ஸ்பீடு 90Km/hr ஆகவும், நிகழ்நேரத்தில் ரேஞ்சு அனேகமாக 80 கிமீ வரை கிடைக்கலாம்.
ஏதெரின் குறைந்த விலை எலக்ட்ரிக் ஸ்கூட்டருக்கான முன்பதிவு ஜூலை முதல் துவங்கப்படும் என தெரிவிக்கப்பட்டுள்ளது. ஆனால் விநியோகம் குறித்தான தகவல் விரைவில் அறிவிக்கப்படலாம்.
புதிய FAME-II விதிகளுக்கு உட்பட்டு ஏதெர் 450S விலை ₹ 1,29,999 (எக்ஸ்ஷோரூம்) ஆக அறிவிக்கப்பட்டுள்ளது.
