புதிய 2023 ஆம் ஆண்டிற்கான ஹோண்டா யூனிகார்ன் 160 பைக்கில் BS6 2ஆம் கட்ட மாசு உமிழ்வுக்கு இணையான OBD2 மற்றும் E20 என்ஜின் கொண்டதாக ரூ.1,08,400 ஆக விற்பனைக்கு வந்துள்ளது.
முந்தைய பிஎஸ்6 மாடலை விட தற்பொழுது புதிய யூனிகார்ன் விலை தமிழ்நாட்டை பொறுத்தவரை ரூ. 600 வரை விலை குறைக்கப்பட்டதாக வந்துள்ளது. மற்றபடி எந்த மாற்றங்களும் இல்லை.
2023 Honda Unicorn 160
HET (Honda Eco Technology) நுட்பத்தினை பெற்று 162.7 சிசி என்ஜின் அதிகபட்சமாக 7,500rpm-ல் 12.73 bhp பவர், 14 NM டார்க் ஆனது 5500rpm-ல் வழங்குகின்றது. இதில் 5 வேக கியர்பாக்ஸ் கொடுக்கபட்டுள்ளது. இப்பொழுது இந்த என்ஜின் OBD2 மற்றும் E20 எரிபொருளுக்கு ஏற்றதாக வந்துள்ளது.
டைமன்ட் டைப் ஃபிரேம் கொண்டுள்ள யூனிகார்னில் டெலிஸ்கோபிக் ஃபோர்க் மற்றும் பின்புறத்தில் மோனோஷாக் சஸ்பென்ஷனை பொற்றதாக உள்ள மாடலில் முன்புறத்தில் 240mm டிஸ்க் மற்றும் பின்புறத்தில் 130 mm டிரம் பிரேக் உடன் சிங்கிள் சேனல் ஏபிஎஸ் கொண்டுள்ளது.
டீயூபெல்ஸ் டயர் கொண்டுள்ள யூனிகார்ன் 160 பைக்கில் முன்புறத்தில் 80/100-18 M/C47P மற்றும் பின்புறத்தில் 100/90-18 M/C56P டயர் உள்ளது.
2023 ஹோண்டா யூனிகார்ன் 160 பைக்கின் விலை ₹ 1,08,400 (எக்ஸ்-ஷோரூம் தமிழ்நாடு)
