பாரத் ஸ்டேஜ் 4 மாசு கட்டுப்பாடு என்ஜினுடன் கூடுதலாக இரண்டு புதிய நிறங்களில் ரூ. 58,351 விலையில் 2017 ஹோண்டா டியோ ஸ்கூட்டர் விற்பனைக்கு அறிமுகம் செய்யப்பட்டுள்ளது.
2017 ஹோண்டா டியோ ஸ்கூட்டர்
- ரூ. 58,351 சென்னை ஆன்-ரோடு விலையில் புதிய ஹோண்டா டியோ ஸ்கூட்டர் அறிமுகம்.
- புதிதாக ஆரஞ்சு மற்றும் மஞ்சள் வண்ணங்கள் சேர்க்கப்பட்டுள்ளது.
- ஆட்டோமேட்டிக் ஹெட்லைட் வசதி சேர்க்கப்பட்டுள்ளது.
வருகின்ற ஏப்ரல் 1ந் தேதி முதல் நடைமுறைக்கு வரவுள்ள பாரத் ஸ்டேஜ் 4 மாசு கட்டுப்பாடு நடைமுறைக்கு ஏற்ப அனைத்து தயாரிப்பாளர்களும் தங்கள் வாகனத்தை அறிமுகம் செய்து வருகின்றனர். மேலும் இருளான இடங்களில் தானாகவே ஒளிரும் வகையிலான ஆட்டோமேட்டிக் ஹெட்லேம்ப் வசதியும் அடிப்படையாகவே சேர்க்கப்பட்டுள்ளது.
முந்தைய என்ஜின் ஆப்ஷனிலே பாரத் ஸ்டேஜ் 4 இணைக்கப்பட்டு 8 HP @ 7000 RPM ஆற்றலுடன் 8.91 Nm @ 5500 RPM வெளிப்படுத்தும் 109.19cc ஒற்றை சிலிண்டர் என்ஜின் பொருத்தப்பட்டுள்ளது. ஆற்றலை சக்கரத்துக்கு எடுத்துச் செல்ல சிவிடி ஆட்டோ கியர்பாக்ஸ் சேர்க்கப்பட்டுள்ளது.
புதிதாக ஆரஞ்சு மற்றும் மஞ்சள் நிறங்கள் சேர்க்கப்பட்டு சிவப்பு , நீலம் மற்றும் கிரே மெட்டாலிக் என மொத்தம் 5 விதமான நிறங்களில் கிடைக்க உள்ளது. இரு பக்க டயர்களிலும் 130 மிமீ டிரம் பிரேக்கினை பெற்று கூடுதலாக சிபிஎஸ் எனப்படும் காம்பி பிரேக்கிங் சிஸ்டத்தைகொண்டுள்ளது.
2017 ஹோண்டா டியோ ஸ்கூட்டர் விலை ரூ. 58,351 (சென்னை ஆன்-ரோடு )
