Updated Hero XPulse 200 4V spotted

ஹீரோ மோட்டோகார்ப் நிறுவனம் புதிய எக்ஸ்பல்ஸ் 200 4V பைக்கின் டீசர் வெளியானதை தொடர்ந்து விற்பனைக்கு சில வாரங்களில் எதிர்பார்க்கப்படுகின்றது. ஏபிஎஸ் மோட் மற்றும் புதிய நிறங்கள், எல்இடி ஹெட்லைட் ஆகியவற்றை கொண்டிருக்கும்.

ஏற்கனவே நாம் வெளியிட்டிருந்த எக்ஸ்ட்ரீம் 200S 4V , பேஸன் பிளஸ் மாடல்களை வெளியிட்டிருந்த நிலையில் அந்த படத்துடன் இணைந்துள்ள எக்ஸ்பல்ஸ் 200 4v பைக்கின் படம் 2023 ஆம் ஆண்டு மாடலாகும்.

2023 Hero Xpulse 200 4V

மூன்று விதமான ஏபிஎஸ் மோடுகள் கொண்டுள்ளதை உறுதி செய்யும் வகையிலான டீசரில்  Road, Off-road மற்றும் Rally ஆகியவை உள்ளது அடுத்தப்படியாக டூயல்-சேனல் ABS வரும் முதல் ஹீரோ மோட்டோகார்ப் தயாரிப்பு ஆகும்.

Road மோடில் டூயல்-சேனல் ஏபிஎஸ் ஈடுபடுத்தப்பட்டிருக்கும் அதே நேரத்தில் ஆஃப்-ரோடு பின்புறத்தில் சிறிது ஸ்லிப்பை அனுமதிக்கும் மற்றும் ‘ரேலி’ பயன்முறையில், ஏபிஎஸ் பின்புறத்தில் முற்றிலும் ஆஃப் செய்யலாம் என எதிர்பார்க்கப்படுகின்றது.

BS6-2 இணக்கமான மற்றும் E20 எரிபொருள் பயன்படுத்தும் வகையிலான 200cc என்ஜின் பெற்ற அதிகபட்சமாக 8500rpm-ல் 19.1 hp குதிரைத்திறன் மற்றும் 6500Rpm-ல் 17.1 Nm டார்க் திறனை கொண்டதாக விளங்குகின்றது. இதில் 5 வேக மேனுவல் கியர்பாக்ஸ் இடம்பெற்றிருக்கின்றது.

தற்பொழுது விற்பனையில் உள்ள மாடலை விட ரூ.8,000 வரை விலை கூடுதலாக வரக்கூடும். எனவே புதிய ஹீரோ எக்ஸ்பல்ஸ் 200 4V விலை ரூ.1.47 லட்சம் வரை அமையலாம்.

மேலும் படிக்க – 8 ஹீரோ பைக்குகள் வருகை விபரம்