வரும் ஜனவரி 19ஆம் தேதி ஹீரோ மோட்டோகார்ப் நிறுவனம் புதிதாக எக்ஸ்பல்ஸ் 210 அல்லது ஜூம் 125, ஜூம் 160 உள்ளிட்ட மாடல்களை விற்பனைக்கு கொண்டுவரும் என எதிர்பார்க்கப்படுகின்றது.
சில மாதங்களுக்கு முன்பாக நடைபெற்ற EICMA 2024 அரங்கில் காட்சிப்படுத்தப்பட்ட ஹீரோ நிறுவனத்தின் புதிய கரீஸ்மா XMR 250, எக்ஸ்ட்ரீம் 250R, எக்ஸ்பல்ஸ் 210 உள்ளிட்ட மாடல்களுடன் எக்ஸ்பல்ஸ் 421 டீசர், மேலும் புதிய மேவ்ரிக் 440 நிறங்கள் மற்றும் ஜூம் 125 அட்வென்ச்சர் மற்றும் ஜூம் 160 அட்வென்ச்சர் மாடல்கள் எல்லாம் காட்சிப்படுத்தப்பட்டிருந்தது.
இந்த நிலையில் வருகின்ற ஜனவரி 17ஆம் தேதி துவங்க உள்ள பாரத் மொபிலிட்டி எக்ஸ்போ அரங்கில் ஹீரோ நிறுவனம் புதிதாக சில மாடல்களை சந்தைக்கு கொண்டு வரவுள்ளது. ஏற்கனவே அறிமுகம் செய்யப்பட்ட 2025 டெஸ்டினி 125 விலை அறிவிக்கப்பட உள்ளது.
முதன்முறையாக ஜனவரி 19 என தேதி உறுதிப்படுத்தப்பட்டுள்ளதால், அடுத்த சில நாட்களில் வெளிவரவுள்ள டீசர்களின் மூலம் எந்த மாடல்கள் விற்பனைக்கு வரும் என்பதை அறிந்து கொள்ளலாம்.
சமீபத்தில் ஹீரோ தனது எக்ஸ்பல்ஸ் 200 4வி மாடலில் டக்கார் எடிசனை வெளியிட்டிருப்பது குறிப்பிடதக்கதாகும்.
