ஸ்கிராம்பளர் ஸ்டைலை பெற்றதாக விற்பனைக்கு அறிமுகம் செய்யப்பட்டுள்ள ட்ரையம்ப் ஸ்கிராம்பளர் 400X பைக்கில் புதிய TR என்ஜின் சீரிஸ் பயன்படுத்தப்பட்டுள்ளது. இந்தியாவில் விற்பனைக்கு ஜூலை 5 ஆம் தேதி வெளியிடப்பட உள்ளது.
ட்ரையம்ப் ஸ்பீடு 400 மாடலை தொடர்ந்து வெளியிடப்பட்டுள்ள ஸ்கிராம்பளர் 400 எக்ஸ் பைக்கின் தோற்ற வடிவமைப்பு ஸ்கிராம்பளர் 900 மாடலில் இருந்து பெறப்பட்டுள்ளது.
Triumph Scrambler 400 X
இரு மாடல்களும் பொதுவாக பெற்றுள்ள புதிய TR சீரிஸ் என்ஜின் 398.15cc DOHC சிங்கிள் சிலிண்டர் லிக்யூடு கூல்டு என்ஜின் அதிகபட்சமாக 8,000 rpm-ல் 40 hp பவரையும், 6,500 rpm-ல் 37.5 Nm டார்க்கையும் வழங்குகிறது. இதில் 6 வேக கியர்பாக்ஸ் பொருத்தப்பட்டுள்ளது.
ட்ரையம்ப் ஸ்கிராம்பளர் 400 எக்ஸ் பைக் மாடலில் போல்ட்-ஆன் ரியர் சப்ஃப்ரேம் மற்றும் காஸ்ட் அலுமினியம் ஸ்விங்கார்முடன் இணைந்து புதிய டியூபுலர் ஸ்டீல் சேஸ் கொண்டுள்ளது. இந்த வடிவமைப்பு சிறப்பான மற்றும் நிலைப்பினை கொண்டிருக்கும்.
ஆஃப் ரோடுக்கு ஏற்ற வகையிலும், ஸ்க்ராம்ப்ளர் பைக்கில் முன்பக்கத்தில் 19 இன்ச் வீல் மற்றும் 17-இன்ச் அலாய் வீல் பெறுகிறது. மெட்ஸெலர் கரூ ஸ்ட்ரீட் டயர்களுடன் வருகிறது. 790 மிமீ இருக்கை உயரத்துடன், ஸ்கிராம்பளர் 400 பைக்கின் எடை 186 கிலோ கிராம் ஆக உள்ளது.
மற்றபடி, இரு பைக்குகளும் நான்கு பிஸ்டன் ரேடியல் காலிபர் பொருத்தப்பட்டுள்ளது, முன்பக்கத்தில் 320 mm டிஸ்க் மற்றும் பின்பக்கத்தில் 230 mm டிஸ்க் உடன் டூயல் சேனல் ஏபிஎஸ் உள்ளது.
43 மிமீ அப்சைடு டவுன் முன் ஃபோர்க்குகள் பொருத்தப்பட்டு 150 மிமீ பயணத்தை வழங்குகிறது. பின்பக்கத்தில் 150 மிமீ பயணக்கின்ற மோனோஷாக் ரியர் சஸ்பென்ஷன் ஆனது ஸ்பிரிங் ப்ரீலோட் அட்ஜஸ்டர் ஆகியவற்றைக் கொண்டுள்ளது.
இந்தியாவில் ஜூலை 5 ஆம் தேதி ட்ரையம்ப் ஸ்கிராம்பளர் 400x பைக்கின் விலை அறிவிக்கப்படலாம். ஸ்கிராம்பளர் 400 எக்ஸ் பைக்கின் விலை ரூ. 3.50 லட்சத்திற்குள் துவங்கலாம்.
