இந்தியாவின் பிரசத்தி பெற்ற ஹூண்டாய் க்ரெட்டா எஸ்யூவி காரின் S+ டீசல் ஆட்டோமேட்டிக் விலை வெளியிடப்பட்டுள்ளது. க்ரெட்டா எஸ்யூவி S+ ஆட்டோமேட்டிக் விலை ரூ.13.78 லட்சம் ஆகும்.
டாப் SX+ டீசல் ஆட்டோமேட்டிக் மாடலை விட ரூ. 1 லட்சம் விலை குறைவாக நிலை நிறுத்தப்பட்டுள்ள புதிய பேஸ் வேரியண்ட் ஆட்டோமேட்டிக் மாடலுக்கு முன்பதிவு தொடங்கப்பட்டுள்ள நிலையில் 2 முதல் 3 மாதங்கள் வரை காத்திருப்பு காலம் இருக்கலாம் என கருதப்படுகின்றது.
விற்பனைக்கு வந்த சில மாதங்களிலே அபரிதமான முன்பதிவினை பெற்ற ஹூண்டாய் க்ரெட்டா தொடர்ச்சியாக 4 மாதம் வரை காத்திருப்பு காலம் நீடித்து வருகின்றது. 1 லட்சத்துக்கு மேற்பட்ட முன்பதிவுகளை பெற்றுள்ள க்ரெட்டா ஆனிவர்சரி சிறப்பு எடிசன் அடுத்த சில வாரங்களில் விற்பனைக்கு வெளியிடப்பட உள்ளது.
S+ ஆட்டோமேட்டிக் காரில் 126 bhp ஆற்றல் மற்றும் 256Nm டார்க் வெளிப்படுத்தும் 1.6 லிட்டர் டீசல் இஞ்ஜின் பொருத்தப்பட்டுள்ளது. 6 வேக ஆட்டோமேட்டிக் கியர்பாக்ஸ் இடம்பெற்றுள்ளது. டாப் வேரியண்டில் உள்ள பல வசதிகளை இழந்திருக்கும். க்ரெட்டா காரில் 1.2 லிட்டர் பெட்ரோல் மற்றும் 1.4 லிட்டர் டீசல் , 1.6 லிட்டர் டீசல் என மொத்தம் மூன்று விதமான இஞ்ஜின் ஆப்ஷனில் Base, S, S+, SX, SX+ மற்றும் SX(O) என மொத்தம் 6 விதமான வேரியண்ட்களில் கிடைக்கின்றது.
