Author: MR.Durai

நிசான் மைக்ரா மற்றும் சன்னி கார்களை பிரேக் பிரச்சனை காரணமாக திரும்ப பெற உள்ளதாக நிசான் தெரிவித்துள்ளது. பிரேக் சிலிண்டரில் நுட்ப பிரச்சனைகள் ஏற்பட்டுள்ளதாக தெரியவந்துள்ளது.இதனை இலவசமாக சரிசெய்யவதாக நிசான் தெரிவித்துள்ளது. பிரேக் பிரச்சனையை காரணம் காட்டி விபத்துகள் நடக்கவில்லை. இதுவரை விற்பனை செய்யப்பட்டுள்ள 22188 கார்களை திரும்ப பெற உள்ளது. இவற்றில் மைக்ரா மற்றும் சன்னி என இரண்டும் அடங்கும்.மேலும் வெளிநாடுகளில் விற்பனை செய்யப்பட்ட 67,089 கார்களை திரும்ப பெற உள்ளதாம். சன்னி மற்றும் மைக்ரா கார்களை செய்து ரெனோ பல்ஸ் மற்றும் ஸ்காலா என்ற பெயரில் விற்பனை செய்து வருகின்றது. இவற்றை திரும்ப பெறுவதற்க்கான வாய்ப்புகளும் உள்ளன.வாடிக்கையாளர்களுக்கு இதுபற்றி விவரங்கள் அனுப்பி வைக்கப்பட உள்ளதாக நிசான் தெரிவித்துள்ளது.

யமஹா ரே ஸ்கூட்டரினை அடிப்படையாக கொண்ட ஆண்களுக்கான ரே இசட் ஸ்கூட்டர் அறிமுகம் செய்யப்பட்டுள்ளது. ரேவில் இருந்து சில விதமான மாற்றங்களை செய்து அறிமுகம் செய்துள்ளது. மேலும் இரண்டு 150சிசி பைக்களை அறிமுகம் செய்துள்ளது.ரே ஸ்கூட்டர் பெண்கள் மத்தியில் நல்ல வரவேற்பினை பெற்ற ஸ்கூட்டராக வலம் வருகிறது. இதே ஸ்கூட்டரின் முகப்பு மற்றும் சில மாற்றங்களை செய்து ரே இசட் என்ற பெயரில் அறிமுகம் செய்துள்ளது. இதன் எஞ்சின் ரே ஸ்கூட்டரில் பொருத்தப்பட்டிருந்த 113சிசி எஞ்சினே ஆகும்.மேலும் இரண்டு 150சிசி பைக் வேரியண்ட்களை அறிமுகம் செய்துள்ளது. அவை எஸ் இசட்-எஸ் மற்றும் எஸ்இசட்-ஆர்ஆர் ஆகும்.யமஹா ரே இசட் ஸ்கூட்டர் விலை ரூ.48,555(டெல்லி எக்ஸ்ஷோரூம்)யமஹா 150சிசி எஸ் இசட்-எஸ் விலை ரூ.59,500யமஹா 150சிசி எஸ் இசட்-ஆர்ஆர் விலை ரூ.62,500

யமஹா நிறுவனத்தின் மிக பிரபலமான ரே ஸ்கூட்டர் ஆண்களுககான ஸ்கூட்டராகவும் வெளிவரும் என எதிர்பார்க்கப்படுகின்றது. பெண்கள் மத்தியில் நல்ல வரவேற்பினை பெற்ற ஸ்கூட்டராக விளங்குகின்றது.யமஹா ஃபிரிக்ஸ் தளம் சில படங்களை வெளியிட்டுள்ளது. யமஹா ரே ஸ்கூட்டரின் ஸ்டைலில் பெரிதும் மாற்றம் செய்துள்ளது. விரைவில் இந்த ஸ்கூட்டர் விற்பனைக்கு வரலாம் என எதிர்பார்க்கப்படுகிறது. பெண்களை போலவே ஆண்களையும் நிச்சியமாக கவரும். ரே ஸ்கூட்டர் எஞ்சினே இதில் பொருத்தப்பட்டிருக்கலாம்.

பஜாஜ் நிறுவனத்தின் ஆர்இ60 குவாட்ரிசைக்கிளுக்கு மத்திய அரசு அனுமதி வழங்கியுள்ளது. பாதுகாப்பு குறைபாடு காரணம் காட்டி அனுமதி அளிக்ககூடாது என சில நிறுவனங்கள் எதிர்ப்பு தெரிவித்த பொழுதும் மத்திய அரசு அனுமதி வழங்கியுள்ளது.குறைவான பாதுகாப்பு காரணம் காட்டப்பட்டாலும் ஆட்டோரிக்ஷாவை விட கூடுதலான பாதுகாப்பு வசதியாக இருக்கும் என ராஜீவ் பஜாஜ் தெரிவித்துள்ளார். இதனால் பஜாஜ் விரைவில் ஆர்இ60 குவாட்ரிசைக்கிள் விற்பனைக்கு கொண்டு வரவுள்ளது.ஆட்டோரிக்ஷாவிற்க்கு மாற்றாக விளங்கும் என்பதால் ஆண்டுக்கு 60,000 வாகனங்களை தயாரிக்க திட்டமிட்டுள்ளனர். கார்பன் வாயு குறைவாக வெளியிடும் என்பதால் சுற்றுசூழலுக்கும் பாதுகாப்பினை தரும். தற்பொழுது சோதனையில் உள்ள ஆர்இ60 குவாட்ரிசைக்கிள் விரைவில் விற்பனைக்கு வரும். பஜாஜ் ஆர்இ60 குவாட்ரிசைக்கிளுக்கு ரூ.500 கோடி முதலீடு செய்துள்ளது.

செவர்லே நிறுவனம் தன்னுடைய கார் மாடல்களின் விலையை 1.5 சதவீதம் வரை அதாவது ரூ.10,000 வரை உயர்த்தியுள்ளது .இந்த விலை உயர்வு வருகிற ஜூன் முதல் வாரம் முதல் அமலுக்கு வரும்.இந்த விலை உயர்வு குறித்து ஜெஎம் இந்திய பிரிவு துணைத் தலைவர் பி.பாலேந்திரன் கூறுகையில்,”டீசல் விலை நிரந்தரமற்றதாக மாதந்தோறும் உயர்த்தப்பட்டு வருவதின் காரணமாக போக்குவரத்து செலவுகள் மிக கடுமையாக உயர்ந்து வருகிறது.இதனை சமாளிக்க முடியவில்லை. எனவே, இதனை வாடிக்கையாளர் மீது தினிக்கப்பட வேண்டிய கட்டாயத்தில் உள்ளோம். வரும் ஜூன் முதல் கார் விலையை உயர்த்த முடிவு செய்துள்ளோம்,” என்றார்.செவர்லே கார்களின் விலை ரூ.10.000 வரை உயரும்.

ஹோண்டா நிறுவனத்தின் அபரிதான வளர்ச்சியால் மூன்றாம் இடத்திற்க்கு பஜாஜ் சில மாதங்களுக்கு முன் தள்ளப்பட்டது. இதனால் அடுத்த 1ஆண்டிற்க்குள் 8 புதிய மாடல்களை அறிமுகம் செய்து இதனை ஈடுகட்ட திட்டமிட்டுள்ளது.6 புதிய டிஸ்கவர் மாடல்களை களமிறக்க பஜாஜ் திட்டமிட்டுள்ளது. இவற்றில் 4 மாடல்கள் ரூ.40,000 முதல் ரூ.50,000 விலைக்குள் இருக்கும். மேலும் இரு மாடல்கள் இவற்றை விட சற்று கூடுதலான விலையில் இருக்கும்.பல்சர் 150 மற்றும் பல்சர் 375 மாடல் என இரண்டு பல்சர் மாடல்கள் வெளிவரும். இவை அனைத்தும் இன்னும் ஒரு ஆண்டுக்குள் விற்பனைக்கு வரும் என தகவல் வெளியாகி உள்ளது.