அசோக் லேலண்ட் ஆயிஸ்டர் பஸ் அறிமுகப்படுத்தப்பட்டது

ashok leyland oyster

புதிய தலைமுறையினர் விரும்புகின்ற சொகுசு தன்மையை பெற்ற அசோக் லேலண்ட் ஆயிஸ்டர் பஸ் (Oyster Bus) இந்தியாவில் நடைபெற்ற பிரவாஸ் 2019 கண்காட்சி அரங்கில் அறிமுகம் செய்யப்பட்டுள்ளது. இரண்டாம் ஆண்டு பிரவாஸ் 2019 சர்வதேச பேருந்து மற்றும் கார் டிராவல் ஷோ அரங்கில் பல்வேறு நிறுவனங்களின் மாடல்கள் காட்சிப்படுத்தப்பட்டது. கடந்த ஜூலை 25 முதல் 27 வரை மும்பையில் நடைபெற்றது.

midi-bus வகை என்பது சிறிய ரக மினி பஸ் மாடலாகும். 8 முதல் 11 மீட்டருக்கு குறைவான நீளத்தைப் பெற்ற பேருந்தாகும்.

ஏசி வசதியை பெற்றுள்ள ஆயிஸ்டர் பேருந்து ஊழியர்கள் மற்றும் சுற்றுலா பயணங்களுக்காக அசோக் லேலண்ட் நிறுவனத்தால் வடிவமைக்கப்பட்டு தயாரிக்கப்பட்டுள்ளது. அசோக் லேலண்ட் ஆயிஸ்டர் 41 சாய்வான முறையை பெறும் இருக்கைகளை கொண்டுள்ளது. இந்த பேருந்து ரோல்ஓவர் பாதுகாப்புடன் மற்றும் புதிய பஸ் பாதுகாப்பு குறியீடு விதிமுறைகளான AIS 052, AIS 140 மற்றும் AIS 153 ஆகியவற்றுக்கு ஏற்ப தயாரிக்கப்படுகிறது.

பிரீமியம் சந்தைக்கு ஏற்ற மாடலாக விளங்கும் இந்த பஸ்சில் 127 ஹெச்பி பவர் மற்றும் 450 என்எம் டார்க் வழங்கும்  பிஎஸ் 4 ஆதரவை பெற்ற H வரிசை 4 சிலிண்டர் iEGR என்ஜினை பெற்றுள்ளது.

அசோக் லேலண்டின் நடுத்தர மற்றும் கனரக வணிக வாகனத் துறைத் தலைவர் சஞ்சய் சரஸ்வத் கூறுகையில், “அதிகப்படியான பயணிகள் பயணத்திற்கு அதிக நேரம் செலவழிக்க வேண்டியிருக்கிறது. எனவே, வசதியான மற்றும் பாதுகாப்பான போக்குவரத்து தீர்வுக்கான தேவை உள்ளது. ஆயிஸ்டர் அத்தகைய பேருந்து ஆகும். இந்த பேருந்து பயணத்தை ஒரு இனிமையான அனுபவமாக வழங்குவதுடன் இந்த பஸ் தொழில்நுட்பத்தின் அடிப்படையில் மிகச் சிறந்ததாகவும் மற்றும் வாடிக்கையாளர் எதிர்பார்ப்புகளுக்கு ஏற்றதாக விளங்கும். வெகுஜன மக்களின் பயணத்திற்கு ஏற்ப, கவர்ச்சிகரமான தோற்றத்துடன் சிறந்த செயல்திறன் கொண்ட வாகனமாக வழங்குவதில் நாங்கள் மகிழ்ச்சியடைகிறோம். என குறிப்பிட்டுள்ளார்.

அசோக் லேலண்ட் பஸ்