2018 டுகாட்டி மான்ஸ்டர் 821 பைக் விற்பனைக்கு வெளியானது

இந்தியாவில் ரூ.9.51 லட்சத்தில் டுகாட்டி மான்ஸ்டர் 821 பைக் விற்பனைக்கு அறிமுகம் செய்யப்பட்டுள்ளது. புதுப்பிக்கப்பட்ட டுகாட்டி மான்ஸ்டர் 821 பாரத் ஸ்டேஜ் 4 எஞ்சினை பெற்றதாக வந்துள்ளது.

2018 டுகாட்டி மான்ஸ்டர் 821

25 ஆண்டுகால மான்ஸ்டர் வரிசை வரலாற்றில் 1993 ஆம் ஆண்டில் வெளியான மான்ஸ்டர் M900 மாடலின் தோற்ற உந்துதலில் வடிவமைக்கப்படுள்ள மான்ஸ்டர் 821 பைக் முந்தைய மாடலை விட 2 ஹெச்பி வரை ஆற்றல் குறைக்கப்பட்டுள்ளது.

புதிய பைக்கில் 111 ஹெச்பி ஆற்றலை வெளிப்படுத்தும் 821cc, 90- டிகிரி கோண வி ட்வீன் எஞ்சின் பொருத்தப்பட்டு, அதிகபட்சமாக 86 என்எம் டார்க் வெளிப்படுத்துகின்றது.

மிக சிறப்பான ஸ்டைலிங் அம்சத்தை பெற்று விளங்கும் மானஸ்டர் 821 மாடலில் டிஎஃப்டி இன்ஸ்டூருமென்ட் கிளஸ்ட்டர், பாதுகாப்பு சார்ந்த அம்சங்களுக்கு முக்கியத்துவம் கொடுக்கும் வகையில், டுகாட்டி பாதுகாப்பு பேக், மூன்று மாறுபாடுகளை பெற்ற போஸ் ஏபிஎஸ் பிரேக், டிராக்‌ஷன் கன்ட்ரோல் , அர்பன், டூரிங் மற்றும் ஸ்போர்ட் என மூன்று விதமான ரைடிங் மோடினை பெற்று விளங்குகின்றது.

2018 டுகாட்டி மான்ஸ்டர் 821 பைக் மைலேஜ் லிட்டருக்கு 18.1 கிமீ ஆக அறிவிக்கப்பட்டுள்ளது.

320 மிமீ டுயல் டிஸ்க் பிரெம்போ பிரேக் முன்புற டயரிலும், பின்புற டயரில் 245 மிமீ டிஸ்க் பிரேக்கினை பெற்று முன்புறத்தில் 43 மிமீ யூஎஸ்டி ஃபோர்க்குடன் , பின்புறத்தில் மோனோஷாக் அப்சார்பரை கொண்டிருக்கின்றது.

டுகாட்டி மான்ஸ்டர் 821 பைக் , இந்திய சந்தையில் விற்பனையில் உள்ள ட்ரையம்ப் டிரிபிள் ஆர்எஸ், சுஸூகி GSX-S750, மற்றும் கவாஸாகி Z900 ஆகியவற்றை எதிர்கொள்ள உள்ளது. 2018 டுகாட்டி மான்ஸ்டர் 821 பைக் விலை ரூ. 9.51 லட்சம் (எக்ஸ்-ஷோரூம் இந்தியா)